Hljóðvistarverðlaun Íshljóð 2022!

Íslenska hljóðvistarfélagið, ÍSHLJÓÐ, mun árið 2022 veita verðlaun fyrir hljóðhönnun veitingastaða. Hljóðvistarverðlaunin verða veitt ábyrgðar- eða rekstraraðila fyrir framúrskarandi hljóðhönnun rýma fyrir hvers konar veitingastarfsemi, þ.e. kaffihús, veitingahús og sambærilegt. Leitað er eftir tilnefningum sem ber að skila fyrir árslok 2021 og er öllum frjálst að senda inn tillögur. Með tillögum þarf að fylgja stuttur rökstuðningur. Skilyrði til tilnefninga er að

• staðurinn sem tilnefndur er sé fullkláraður og í virkri veitingastarfsemi,
• hljóðvist sé mikilvægur þáttur í upplifun og notkun rýmisins.
• Einnig skal hafa í huga hvernig vel útfærðar hljóðvistarlausnir hafa áhrif á útlit rýmis.

Dómnefnd er skipuð aðilum með þekkingu og áhuga á hljóðvist. Mat dómnefndar byggir á huglægu mati á hljóðvist, hugmyndafræði og fagurfræði. Til að gæta hlutleysis mega aðilar í dómnefnd ekki fjalla um verkefni sem þeir tengjast beint.

Dómnefnd skipa:

Magnús Skúlason – Arkitekt, Formaður dómnefndar

Bergþóra Kristinsdóttir – Vegagerðin

Sigurður Einarsson – Vinnueftirlitið